無所事事研究社

日本嘅主題樂園一直係香港人必去打卡景點。其中位於日本兵庫縣淡路島哥斯拉迎擊作戰淡路島公園研究中心，距今唔夠一個星期即將開幕，擁有全球最大長達120米嘅哥斯拉，現場視覺震憾澎湃！園區提供多種刺激又驚險活動，官方已經公佈左入場門票價格，好期待啊！ 哥斯拉嘅設計藍本，參照左哥斯拉張開口發射死光嘅一刻，戲劇張力充斥眼球。 哥斯拉登陸淡路島，入場嘅參加者化身研究人員協助研究中心阻止哥斯拉破壞淡路島。 
園區提供多種刺激又驚險活動，空中飛索、射擊遊戲、博物館及商店。 玩「空中飛索」分為「體內監視」同「體表監視」，「體內監視」故名思義就係飛索穿過哥斯拉身體內，近距離飽覽哥斯拉還原度超高嘅體內構造！ 主題遊戲「射擊遊戲」要參加者舉槍射擊消滅飛散的哥斯拉細胞以完成挑戰。 商店有超多款式種類紀念品，其中唔可以唔推介嘅就係呢隻核特得黎又幾趣緻嘅得意哥斯拉手指套公仔！ 門票價格方面，成人(12歲以上)大約港幣280，小童(5-11歲)大約港幣160（注意小童身高110cm以下或25kg以下不能夠玩園內部分設施），4歲以下免費入場。 地址：兵庫県淡路市楠本2425 番（「二次元之森」 F 停車場附近）『迎擊哥吉拉作戰』地區） 官方訂購網站：http://nijigennomori.com/godzilla_awaji/

香港豆潤咁細咁壓迫，好多人心中好想有一幅仿如外國嘅大草地放鬆下。其實真係有大草地架，景色遼闊怡人，位於西貢入少少嘅深涌，最適合同愛侶或三五知己趁秋涼感受大自然的愜意。 雖然草原比唔上外國咁一望無際，但係獨有嘅四面環山地貌更顯出與世隔絕的寫意寧靜，仿如自成一角的世外桃園。 草原兩岸由一條橫躺的河流分隔，要山有山要水有水。過去有不少大自然愛好者喜歡於深涌露營，不過近年由於深涌屬於私人地方，不屬於政府指定的露營範圍，已經無人會過夜露營。之但係中午帶個營入去親親大自然依然係個好好消磨假日嘅選擇。 草原一旁座落一所格調古舊的餐廳，叫做「深涌農莊」。聽講只會係假日開放，大家玩到肚餓可以黎呢到填飽肚飲杯茶，認真貼心。 交通：在大學馬料水碼頭出發到深涌，只需30分鐘船程。詳細資料請參考 翠華船務 網站