無所事事研究社

香港豆潤咁細咁壓迫，好多人心中好想有一幅仿如外國嘅大草地放鬆下。其實真係有大草地架，景色遼闊怡人，位於西貢入少少嘅深涌，最適合同愛侶或三五知己趁秋涼感受大自然的愜意。 雖然草原比唔上外國咁一望無際，但係獨有嘅四面環山地貌更顯出與世隔絕的寫意寧靜，仿如自成一角的世外桃園。 草原兩岸由一條橫躺的河流分隔，要山有山要水有水。過去有不少大自然愛好者喜歡於深涌露營，不過近年由於深涌屬於私人地方，不屬於政府指定的露營範圍，已經無人會過夜露營。之但係中午帶個營入去親親大自然依然係個好好消磨假日嘅選擇。 草原一旁座落一所格調古舊的餐廳，叫做「深涌農莊」。聽講只會係假日開放，大家玩到肚餓可以黎呢到填飽肚飲杯茶，認真貼心。 交通：在大學馬料水碼頭出發到深涌，只需30分鐘船程。詳細資料請參考 翠華船務 網站

世上最難拿捏嘅事物莫過於女朋友嘅心思，單單講買禮物呢個環節已經死左唔少人，買得太貴嫌你嘥錢唔識計劃將來，買得平又會話你唔重視我地之間嘅關係，媽呀想氹下佢姐點解咁困難？為左拯救全人類，我地訪問左10位現役女朋友嘅想法，歸納出3個女朋友嘅心思，睇完呢篇文你就能夠睇穿對方，撐握得到買禮物恰如其分嘅尺度！ 1）「禮物只係象徵，最重要係比我睇得出你重視我」 其實呢句就話都幾陰人，究竟係乜野禮物先叫重視？我嘅重視又點確保比你睇得出呢？佢心情靚咪叫重視，心情差咪叫忽視囉。各位兄弟又唔好咁消極～原來女士們大多都除左關心各位送嘅主體，即係「what」之外，更加令女士心動嘅加分位係「how」呀，即係你送呢份禮物嘅方式以及背後嘅構思，各位可以從「地點」「時機」「對方收到禮物會有甚麼反應」等細節位去思考。 2）「禮物愈貴愈有誠意？你當打機課金呀？」 的而且確兄弟們最忌無腦兼無誠意，以為大灑一筆實無甩拖，殊不知無heart嘅禮物真係一眼就望得出，唔送真係好過送架。所以各位緊記要拋開自欺欺人的念頭，踏踏實實花花心思，有時間嘅話亦可以考慮DIY自製禮物，好處係就算製成品品質唔太高對方依然會欣賞你嘅心思同付出嘅時間。 外國有唔少網站大量分享DIY自製禮物嘅好點子，今日就為大家揀出everythingetsy.com嘅 101 easy handmade gift tutorials ，裡面詳細列出101款DIY自製禮物嘅構思，按入個別頁面仲有Step by step嘅教學，某啲教學裡面附有專設的Printable pdf協助你完成DIY的過程，非常體貼。 3）「對耐左佢會開始唔諗驚喜，正一懶人!」 初初拍拖佢勁體貼，會送我返屋企，每逄特別日子都會比Surprise我，我覺得自己好似一個公主一樣。而家佢只係識打機... 女士們永遠唔明打緊機被干擾個種燥動感有幾難受，不過唔重要，重要嘅係⋯⋯你。（嘔）假如女士想要驚喜嘅話，作為男士好易話為姐，正正比驚喜佢地就得啦！嗱講明先以下建議唔包生仔，如果你真係一個唔識浪漫嘅人，咁就為你搜羅2020年9月最新最潮最得意嘅禮物，幫你喺你最無貨嘅時候都比到驚喜人地啦！ OHMYGIFTHK 呢間襪店專營 客製化襪子 ，可以比你將愛人個靚樣印上去自己著，又或者印自己個靚樣上去比愛人著，最有心思莫過於一人一對做情侶襪，耶～諗起都覺得骨痺呀衰鬼！呢對 襪古靈精怪又幾盞鬼， ...

一個人做咩好？ 去邊度？一個人的活動？ 無論你單身定係拍緊拖，工作中定係退左休，人生流流長總會有一個人嘅時候，就係一個人自己同自己相處嘅時候，唔需要迎合別人，可以完全忠於自己的那個時候。 聽起上黎好似好free好正，原來事實上好多人都唔習慣一個人嘅時間，因而唔識好好運用一個人獨處嘅大好光陰。可能因為我地習慣左平時被外在世界嘅事物佔據，沒有被事物佔據時反而會產生不安，所以當一個人時會傾向找些事情佔據自己，好讓自己忙得不用去關心自己的需要。 正正因為有難度所以先有呢篇分享文章吖嘛，以下就列出4個完全真正唔洗錢嘅一個人活動，以後唔洗再問「一個人做咩好」喇！ 一個人寫日記 講到一個人做咩好，一定要數到只有一個人先做到嘅事。寫日記就係其中一樣喇，日記本身屬於好個人的事。寫日記唔一定要長篇大論，唔一定有齊何人何時何事何地，唔一定要優美。 寫日記的心法係在於真實地同自己交流，傾計，當自己係自己的好朋友一樣好好了解佢。 即使只係簡單一兩句，只要態度真實地去接觸自己，久而久知你會發覺多左個一世嘅好朋友係身邊。 如果平日一個人沒有寫開日記的習慣，可以從以下方向作為寫作起點，例如： ・有啲咩事發生左令你好開心？ ・有啲咩事發生左令你感到好憤怒？ ・今日有無學到一啲嘢？ ・有無一啲建議可以比到呢位好朋友？ 想了解多啲寫日記的要點，網上有好多有心人無私分享，其中 YAO YAO老師這篇 寫得很好，有提供具體的方法指導新手寫日記，簡單易明非常值得參考。 一個人拉筋 拉筋係真正不受時間地域限制嘅活動。 身體就係我地嘅屋企，筋愈緊代表住在裡面的我們愈崩緊，不知不覺慢慢影響著我們的情緒。趁有空不如立即做熱身動作準備伸展，舒緩平日積累已久的壓力吧。（切記拉筋不是一步登天的事，而是屬於一個持續地放鬆自己身體的過程哦，以下會簡單分享1個我認為最實用的拉筋心態，等你一個人都能係屋企正確入門。） 拉筋唔係同自己肌肉對抗，而係放鬆、接受與感受。 唔少人認為拉筋要拉到痛先有效，呢個係好普遍的錯誤觀念，拉到痛好容易拉傷，而且拉傷後要一大段時間復原，其間有排都無得拉，到頭來條筋仲緊過以前，所以千祈唔好咁笨！ 正確方法應該係放鬆，拉伸目標肌肉時無須去得太盡，只須在開始感覺到拉扯感時把身體保持在該位置，嘗試在該位置放鬆身體，以及放鬆心神，好好感受那種張力和拉扯。好多人拉筋時會抗拒那種不適感，其實有少量不適感是正常的，...