選購禮物比女朋友要注意的事項＋2020年9月禮物推薦
世上最難拿捏嘅事物莫過於女朋友嘅心思，單單講買禮物呢個環節已經死左唔少人，買得太貴嫌你嘥錢唔識計劃將來，買得平又會話你唔重視我地之間嘅關係，媽呀想氹下佢姐點解咁困難？為左拯救全人類，我地訪問左10位現役女朋友嘅想法，歸納出3個女朋友嘅心思，睇完呢篇文你就能夠睇穿對方，撐握得到買禮物恰如其分嘅尺度！
1）「禮物只係象徵，最重要係比我睇得出你重視我」
其實呢句就話都幾陰人，究竟係乜野禮物先叫重視？我嘅重視又點確保比你睇得出呢？佢心情靚咪叫重視，心情差咪叫忽視囉。各位兄弟又唔好咁消極～原來女士們大多都除左關心各位送嘅主體，即係「what」之外，更加令女士心動嘅加分位係「how」呀，即係你送呢份禮物嘅方式以及背後嘅構思，各位可以從「地點」「時機」「對方收到禮物會有甚麼反應」等細節位去思考。
2）「禮物愈貴愈有誠意？你當打機課金呀？」
外國有唔少網站大量分享DIY自製禮物嘅好點子，今日就為大家揀出everythingetsy.com嘅101 easy handmade gift tutorials，裡面詳細列出101款DIY自製禮物嘅構思，按入個別頁面仲有Step by step嘅教學，某啲教學裡面附有專設的Printable pdf協助你完成DIY的過程，非常體貼。
3）「對耐左佢會開始唔諗驚喜，正一懶人!」
初初拍拖佢勁體貼，會送我返屋企，每逄特別日子都會比Surprise我，我覺得自己好似一個公主一樣。而家佢只係識打機...
女士們永遠唔明打緊機被干擾個種燥動感有幾難受，不過唔重要，重要嘅係⋯⋯你。（嘔）假如女士想要驚喜嘅話，作為男士好易話為姐，正正比驚喜佢地就得啦！嗱講明先以下建議唔包生仔，如果你真係一個唔識浪漫嘅人，咁就為你搜羅2020年9月最新最潮最得意嘅禮物，幫你喺你最無貨嘅時候都比到驚喜人地啦！
OHMYGIFTHK
呢間襪店專營客製化襪子，可以比你將愛人個靚樣印上去自己著，又或者印自己個靚樣上去比愛人著，最有心思莫過於一人一對做情侶襪，耶～諗起都覺得骨痺呀衰鬼！呢對襪古靈精怪又幾盞鬼，真係好想睇下佢收到禮物嘅一刻係咩樣呀！
Casetify
如果女友係手機控嘅話一定唔能夠錯過Casetify嘅客製化手機配件！Casetify主打客製化手機殻，種類由防摔手機殼、鏡面手機殼、夜光流沙及閃亮流沙手機殼、純素皮革手機殼等等，款式勁多！你可以喺case上自訂文字/押花，寫上扣人心弦嘅字句，同時自訂case嘅顏色、字體、版面，界面簡單易用，輕鬆設計出為女朋友度身定做嘅手機殻，盡顯心思！
The Lederer
皮革一直好受女士歡迎，主要原因係皮革有種古典得黎嘅優雅氣息，顏色變化多可以配上不同的穿搭，所以皮革手袋和皮革散紙包長期大熱。The Lederer極緻體貼，推出手縫材料包，讓客人有機會親手縫製皮革品：短銀包、Apple Watch II 錶帶、Nintendo Switch 手袋、富士山拉鏈零錢包等。手縫材料包內含說明書，The Lederer還提供自家拍攝的教學影片，教授基本縫線技巧，讓客人有流暢嘅製皮體驗。現時The Lederer推出買滿500免運費優惠，有興趣嘅朋友先祈唔好錯過喇！
留言
發佈留言