【一個人做咩好】(2020年9月更新) 嚴選4大另類免費娛樂 聰明人就是不須破費
一個人做咩好？ 去邊度？一個人的活動？
無論你單身定係拍緊拖，工作中定係退左休，人生流流長總會有一個人嘅時候，就係一個人自己同自己相處嘅時候，唔需要迎合別人，可以完全忠於自己的那個時候。
聽起上黎好似好free好正，原來事實上好多人都唔習慣一個人嘅時間，因而唔識好好運用一個人獨處嘅大好光陰。可能因為我地習慣左平時被外在世界嘅事物佔據，沒有被事物佔據時反而會產生不安，所以當一個人時會傾向找些事情佔據自己，好讓自己忙得不用去關心自己的需要。
正正因為有難度所以先有呢篇分享文章吖嘛，以下就列出4個完全真正唔洗錢嘅一個人活動，以後唔洗再問「一個人做咩好」喇！
一個人寫日記
講到一個人做咩好，一定要數到只有一個人先做到嘅事。寫日記就係其中一樣喇，日記本身屬於好個人的事。寫日記唔一定要長篇大論，唔一定有齊何人何時何事何地，唔一定要優美。寫日記的心法係在於真實地同自己交流，傾計，當自己係自己的好朋友一樣好好了解佢。即使只係簡單一兩句，只要態度真實地去接觸自己，久而久知你會發覺多左個一世嘅好朋友係身邊。
如果平日一個人沒有寫開日記的習慣，可以從以下方向作為寫作起點，例如：
・有啲咩事發生左令你好開心？
・有啲咩事發生左令你感到好憤怒？
・今日有無學到一啲嘢？
・有無一啲建議可以比到呢位好朋友？
想了解多啲寫日記的要點，網上有好多有心人無私分享，其中YAO YAO老師這篇寫得很好，有提供具體的方法指導新手寫日記，簡單易明非常值得參考。
一個人拉筋
拉筋係真正不受時間地域限制嘅活動。身體就係我地嘅屋企，筋愈緊代表住在裡面的我們愈崩緊，不知不覺慢慢影響著我們的情緒。趁有空不如立即做熱身動作準備伸展，舒緩平日積累已久的壓力吧。（切記拉筋不是一步登天的事，而是屬於一個持續地放鬆自己身體的過程哦，以下會簡單分享1個我認為最實用的拉筋心態，等你一個人都能係屋企正確入門。）
正確方法應該係放鬆，拉伸目標肌肉時無須去得太盡，只須在開始感覺到拉扯感時把身體保持在該位置，嘗試在該位置放鬆身體，以及放鬆心神，好好感受那種張力和拉扯。好多人拉筋時會抗拒那種不適感，其實有少量不適感是正常的，記得要放下自己嘗試放鬆去接受它，緊記肌肉不會在你緊張的時候放鬆，只會在你放鬆時放鬆。一般我每次會保持1分鐘，休息30秒，做3個循環。真人實測，我是個典型的緊肉人，按上面的方法做只花了1星期，在雙腳直立的情況下雙手已經可以輕鬆觸地，因些要令肌肉放鬆只須持之以恆，無須受苦，絕對是一件無須導師、一個人都做得到的輕鬆事。
這篇文章是我見過最能指出正確的拉筋方法的一篇，我認為每位有心拉筋的新手都值得一看，伸展聖經：30周年全新修訂版。
一個人發揮創意整理家居
家居本質上係一個好好用黎發揮設計思維的好地方。家居系統設計得好，住喺裡面嘅人固然舒服，好的系統設計更能有效解決生活中一點一滴的鎖碎問題，一齊睇下：
問題1：出門口總係帶漏野
在門口附近預留一個專門擺放出門用品的位置，例如銀包、鎖匙、口罩、酒精搓手液和當天要用的文件等，那個位置最好劃分一格格，每一格專門放一件東西，那麼要是視覺上空了的那一格就代表是遺漏了，能有效提醒自己拿齊物品。養成好習慣放好東西，出門帶齊物品變簡單，平時也不會經常忘了東西放哪裡要左找右找。
問題2：賬單月結單水電煤單收據保養單各式合約放亂七八糟
設計出一個好嘅filing system將有效節省你寶貴嘅時間，有條理被整理過的資料更容易擷取。細心諗下一年之中很多時刻都用得上系統化的資料，例始報稅時我地需要糧單紀錄，物業租金紀錄；電子產品故障需要產品收據及保養單；賣車時有可能需要完整的service record。因此一個filing system能夠在適當時候節省你額外的工作量，100%值得你投放時間去整理。只要付出一點時間就換來後來的便利超級划算，獲得高效能能力的成功感更是做其他事情無法比擬呢！
問題3：家中缺乏一個讓人專注興趣的地方
香港地家居地方大極有限，要做到細緻的空間分類的確有難道，但又未至於做唔到。花點心思在牆身貼上與你興趣相關的圖像，提醒自己專注做自己喜歡的事；又或者騰空一個抽屜，擺放自己的作品成果，讓某一個角落完全屬於自己的精神世界，可讓自己沉浸其中。
一個人攝影
現今學習攝影已經變得免費，網上知識通街都係，學習基本拍照原理、構圖技巧、光線運用等已經唔洗比錢，加上而家smartphone影相功能愈黎愈進階，smartphone成為學習攝影及後製嘅入門媒介。一個人嘅時候唔而要刻意諗去邊度，不妨行下出街隨意到處獨遊，多啲留意同觀察身邊嘅事物，探索多啲新地方，嘗試捕捉產生共嗚的影像，話唔定會培養出一個新興趣！
有興趣的朋友入門的朋友可以參考以下影片（網絡上資源很多喇這裡隨便舉例）
留言
發佈留言